Нүхэн жорлонгийн стандарт шинэчлэгдэж байгаатай холбоотойгоор манай байгууллага ЭМСЯ, МУЗН-тэй хамтран НҮБ-ийн Хүүхдийн сангийн дэмжлэгтэйгээр энэхүү шинэ стандартад орсон 4 төрлийн жорлонгийн хувилбарыг олон нийтэд сурталчлах ажлыг хийж байна.

“WaSH Action” ТББ нь хүүхэд, эцэг эх, орон нутгийн төр захиргааны болон эмнэлгийн байгууллагын ажилчдад зориулсан 4 брошур, 2 постер бүхий сурталчилгааны материалын багц бэлдэж гаргалаа.

Мөн шинэ стандартыг сошиал сүлжээгээр сурталчлах зорилгоор анимашин, инфограф, техникийн зураглал бүхий контентийн багцийг бэлдэж дэмжлэг үзүүлсэн байгууллагуудынхаа сүлжээгээр цацахад бэлэн болгоод байна.